Saturday, April 20, 2024
HomeSportReagimi i federatës rumune pasi u ndërpre ndeshja me Kosovën: Ne s’bëjmë...

Reagimi i federatës rumune pasi u ndërpre ndeshja me Kosovën: Ne s’bëjmë luftëra, s’kemi armë

Google search engine

Drejtor teknik i Federatës së Futbollit në Rumani, Mihai Stoichita, thotë se ishte i frikësuar e mund të ndërpritet ndeshja të martën mes Kosovës dhe Rumanisë, për shkak të një banderole të shpalosur në shkallët e stadiumit nga tifozët rumunë ku shkruhej se “Kosova është Serbi”, si dhe thirrjeve raciste ndaj shqiptarëve.

Google search engine

“Mbrëmë po mendoja, Zot, nuk ka mundësi të kemi këtë fat të keq. Po shikoja, ishin zhdukur të gjithë në dhomat e zhveshjes, po mendoja nëse duhet të shkoja edhe unë”, tha ai për mediumin Fanatik në Rumani.

Google search engine

“Plumbi na kaloi drejt veshit. Ne nuk bëjmë luftëra, nuk kemi armë. Jemi kundërshtarë për 90 minuta, dhe duhet ta respektojmë njëri-tjetrin”, tha ai.

Ai mendon se mesazhe të tilla nuk kanë vend në stadium, aq më tepër që me anëtarësimin në FIFA dhe UEFA, “jemi pajtuar me rregullat e vendosura nga këto organizata”.

“Jetojmë në një demokraci. Demokraci nuk do të thotë kaos. Nëse UEFA dhe FIFA i kanë bërë këto ligje, duhet t’i respektojmë”.

Ndeshja kualifikuese për Kampionatin Evropian 2024 mes Rumanisë dhe Kosovës në Bukuresht u ndërpre për rreth një orë të martën, pasi tifozët vendas bënë thirrje dhe e shpalosën një baner “Kosova është Serbi”.

Rumania është njëra nga pesë vendet e Bashkimit Evropian, bashkë me Spanjën, Qipron, Greqinë dhe Sllovakinë, që nuk e njohin pavarësinë e Kosovës.

RELATED ARTICLES

LEAVE A REPLY

Please enter your comment!
Please enter your name here

Google search engine
Google search engine

Most Popular

Google search engine
Google search engine

Recent Comments