Monday, March 4, 2024
HomeKryesoreOsmani takohet me komandantin FSK-së, para ati me sekretarin e NATO-s

Osmani takohet me komandantin FSK-së, para ati me sekretarin e NATO-s

Google search engine

Osmani takohet me komandantin FSK-së, para ati me sekretarin e NATO-s

PRISHTINË | 06 SHT 2023 | 15:52 | Nga Ekonomia Online
Google search engine

Presidentja e Kosovës, Vjosa Osmani, priti në takim pune komandantin e FSK-së, gjenerallejtënant Bashkim Jasharin.

Ky takim u zhvillua para udhëtimit zyrtar të presidentes për në selinë e NATO-s.

Presidentja Osmani në cilësi të Komandantes Supreme të FSK-së, u njoftua nga gjenerallejtënant Jashari me aktivitetet dhe zhvillimet aktuale në FSK, me theks të veçantë për procesin e realizimit të Planit Gjithëpërfshirës të Tranzicionit gjatë vitit 2023 dhe rritjen e mirëqenies se ushtarëve dhe ushtarakëve të FSK-së.

Po ashtu, Presidentja Osmani diskutoi me gjenerallejtënant Jasharin për bashkëpunimin dhe koordinimin e ngushtë me partnerin kryesor strategjik, Shtetet e Bashkuara të Amerikës, si dhe me shtetet e tjera të NATO-s, lidhur me çështje të sigurisë në vend dhe rajon, thuhet nga Presidenca.

“Të dy ritheksuan se vizioni ynë i përbashkët është që Republika e Kosovës të zhvillojë ushtrinë e saj në përputhje me standardet e vendeve anëtare të NATO-së, për të qenë forcë e ndërveprueshme në misionet e përbashkëta me forcat aleate në shërbim të paqes, stabilitetit dhe sigurisë rajonale dhe globale”, thuhet në komunikatën e Presidencës.

Osmani më 7 shtator do të zhvillojë takim me sekretarin e NATO-s Jens Stoltenberg.

Google search engine
RELATED ARTICLES

LEAVE A REPLY

Please enter your comment!
Please enter your name here

Google search engine
Google search engine

Most Popular

Google search engine
Google search engine

Recent Comments