Gjykata Themelore në Prishtinë ua ka caktuar masën e paraburgimit prej 30 ditësh, nëntë të pandehurve, të cilët dyshohen se në cilësinë e personave zyrtar duke shfrytëzuar detyrën apo autoritetin zyrtar kanë keqpërdorë detyrën zyrtare.
“Gjykata Themelore në Prishtinë – Departamenti për Krime të Rënda ka vendosur lidhur me kërkesën e Prokurorisë Themelore në Prishtinë për caktimin e masës së paraburgimit kundër të pandehurve K.S, XH.M, L.D, V.M, I.J, E.E, RR.O të cilët dyshohen se kanë kryer veprën penale Keqpërdorimi i pozitës apo autoritetit zyrtar nga neni 414 paragrafi 1 lidhur me paragrafin 2 të Kodit Penal të Republikës se Kosovës, ndërsa të pandehurit D.G dheM.B dyshohet se kanë kryer veprën penale Keqpërdorimi dhe mashtrimi në prokurim nga neni 415 paragrafi 2 të Kodit Penal të Republikës se Kosovës dhe veprën penale Mashtrimi nga neni 333 paragrafi 5 të Kodit Penal të Republikës se Kosovës”, thuhet në njoftim.
Gjyqtarja e procedurës paraprake kërkesën e Prokurorisë për caktimin e masës së paraburgimit kundër nëntë të pandehurve e ka aprovuar si të bazuar dhe të njëjtëve iu ka caktuar masën e paraburgimit në kohëzgjatje prej 1 (një) muaji, për secilin.
Të pandehurit K.S, XH.M, L.D, V.M, I.J, E.E, RR.O, D.G dhe M.B dyshohen se në cilësinë e personave zyrtar duke shfrytëzuar detyrën apo autoritetin zyrtar kanë keqpërdorë detyrën zyrtare.
Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Prishtinë.
