Dhimbja e qafës mund të jetë një gjendje e rënduar që prek miliona individë në mbarë botën. Pavarësisht nëse keni të bëni me qëndrim jo të drejtë ose stres të jetës moderne, pasojat e dhimbjes së qafës mund të shkaktojnë pasoja të cilat mund të ndikojnë në mirëqenien tuaj të përgjithshme.
Në këtë artikull, do të eksplorojmë shkaqet e zakonshme të dhimbjes së qafës, ndikimin e saj në jetën tuaj të përditshme dhe se si fizioterapia mund të jetë çelësi juaj për të rikthyer lëvizshmërinë, për të zvogëluar shqetësimin dhe për të përmirësuar cilësinë e përgjithshme të jetës.
Si një nga shkaqet e dhimbjes së qafës është qëndrimi jo i drejtë. Përditshmëria e gjatë në një pozicion të ulur ose një qëndrim i keq në pajisjet elektronike mund të çojë në tension të muskujve të qafës dhe në dhimbje.
Si shkaqe tjera janë edhe aktivitet e vazhdueshme – të tilla që përfshijnë lëvizje të përsëritura të qafës, si sportet, ngritja e peshave, ose pozicionet e gabuara në punë, mund të shkaktojnë tension dhe dhimbje. Edhe gjendjet degjenerative shkaktojnë dhimbje të qafës. Kushtet si osteoartriti, spondiloza e qafës, ose hernia e disqeve mund të shkaktojnë dhimbje në qafë.
Traumat dhe lëndimet – të tilla që përfshijnë aksidentet e automjeteve motorike ose përplasjet sportive mund të shkaktojnë dhimbje akute. Edhe stresi dhe tensioni mund të çojnë në tension të muskujve të qafës.
Por, cilat janë pasojat e kësaj dhimbje? Nga dhimbja e qafës ju mund të përjetoni kufizime në lëvizshmëri, duke filluar nga vështirësi në lëvizjen e qafës, kufizime në aftësinë për të kthyer kokën ose për të kryer aktivitete të zakonshme. Dhimbja e qafës gjithashtu mund të shkaktojë edhe dhimbje koke dhe marramendje.
Një pasojë tjetër dhe jo fort e këndshme e dhimbjes së qafës janë edhe problemet me gjumin, kjo sepse dhimbja e qafës mund të bëjë të vështirë gjumë të shëndetshëm dhe të çojë në ndërprerje të gjumit, si dhe mund të ndikojë në përqendrimin dhe produktivitetin tuaj.
Në pjesën më të madhe të rasteve para se të filloni me fizioterapi nuk është e nevojshme të bëni rentgen ose rezonanca magnetike. Fizioteraputët mund të diagnostikojnë gjendjen tuaj dhe të adresojnë simptoma specifike për të lehtësuar dhimbjen tuaj. Nëse fizioterapeuti mendon se duhet të bëni rentgen ose rezonancë magnetike ai do t’ju rekomandoj një gjë të tillë.
Si mund të ju ndihmojë fizioterapia?
Një fizioterapeut do të kryejë një vlerësim të hollësishëm për të identifikuar shkakun e dhimbjes suaj dhe do t’ju zhvilloj një plan individual për trajtim. Ky trajtim mund të përfshijë terapinë manuale, ushtrimet e personalizuara si dhe këshilla për posturën (qëndrimin drejtë).
Teknikat manuale të fizioterapisë përfshijnë mobilizimin e nyjeve, zbutjen e tensionit të muskujve, dhe përmirësimin e lëvizshmërisë së qafës. Ndërkohë që fizioterapeuti juaj do të përcaktojë ushtrime specifike për të forcuar muskujt e qafës dhe për të përmirësuar qëndrimin tuaj.
Gjithashtu fizioterapeuti juaj do t’ju jap edhe këshilla ergonomike dhe posturale për të parandaluar dhimbjen e qafës në të ardhmen.
Fizioterapeutët t përdorin metoda të ndryshme për njerëz të ndryshëm – kjo sepse trajtimi fizioterapeutik është shumë specifik. Një fiziterapeut mund të trajtojë njerëz me dhimbje të thjeshta dhe ngërçe apo ngacmime e deri tek rastet më të vështira.
