Rëndësia e mëngjesit ka qenë prej kohësh e njohur për të gjithë, por është gjithashtu shumë e rëndësishme se cilat ushqime i zgjidhni për ta nisur ditën.
Mëngjesi i ekuilibruar është i rëndësishëm për shëndetin tuaj. Ushqimi i duhur i mëngjesit mund t’i sigurojë trupit lëndë ushqyese, vitamina dhe minerale të dobishme për t’ju ndihmuar ta filloni ditën në mënyrën më të mirë të mundshme.
Shumë ushqime të popullarizuara që gjenden në shumë meny të mëngjesit nuk kanë lëndë ushqyese të rëndësishme dhe mund të na lënë të ndihemi të uritur shumë përpara vaktit tonë të ardhshëm.
Gjithashtu, ushqimet e popullarizuara përmbajnë një përqindje të lartë të sheqernave, yndyrave dhe natriumit të shtuar, të cilat mund të na bëjnë të ndihemi të plogësht. Ato rritin rrezikun e disa sëmundjeve kronike, duke përfshirë diabetin e tipit 2, sëmundjet kardiovaskulare dhe disa lloje kanceri.
Ushqimi më i keq, të cilin mund ta zgjidhni për ta filluar ditën, është i ulët në fibra, i lartë në sheqerna të shtuar dhe yndyra të ngopura. Ndër zgjedhjet më të këqija janë drithërat e njohura të mëngjesit me sheqer, jogurtët e frutave me aromë dhe mueslit që janë të pasura me sheqer, si dhe produktet e miellit të rafinuar, si buka e bardhë, petullat dhe biskotat.
Domethënë, të gjitha llojet e drithërave të ëmbla, si dhe pijet e ëmbla, janë gjithashtu të mbushura me sheqerna, të cilat shndërrohen në kalori shumë më shpejt se ushqimi i shëndetshëm. Kjo mund të çojë në efekte negative shëndetësore.
