Zëvendëskryeministri Besnik Bislimi është takuar në Departamentin Amerikan të Shtetit me Drejtoreshën për për Çështjet e Evropës Qendrore dhe Jugore, Colleen Hyland.
Sipas njoftimit të lëshuar nga Zyra e Kryeministrit në këtë takim është diskutuar për sulmin e javës së kaluar në kanalin e Ibër-Lepencit, ku ka falënderuar ShBA’në për dënimin e sulmit dhe mbështetjen ndaj Kosovës për zbardhjen e plotë të tij, raporton Express.
Është folur edhe rreth zhvillimit ekonomik, sigurinë energjetike dhe investimeve në këtë fushë.
“Më tej, ai foli dhe rreth iniciativave e politikave të ndërmarra nga qeveria për të mbështetur komunitetin serb në Kosovë dhe lehtësimin e integrimit të tyre. Në takim u diskutua dhe rreth zhvillimeve në lidhje me procesin e dialogut”, thuhet në njoftim.
