Ballina Hallakamë Kosova pas vitit 1999: Koha kur ushtarët adoleshentë britanikë gjetën 21 varreza...

Kosova pas vitit 1999: Koha kur ushtarët adoleshentë britanikë gjetën 21 varreza masive

22 vjet më parë, kur përfundoi Lufta e Kosovës, trupat nga qyteti i Reading zbuluan më shumë se 20 varre masive në vend, i cili ishte i shkatërruar tërësisht. Ky është një shkrim i botuar nga Reading Chronicle që tregon historinë e këtyre ushtarëve të cilët ishin në moshë të re kur erdhën në Kosovë me mision për të gjetur varrezat masive të shqiptarë të vrarë nga forcat serbe. Ajo që ata panë, la shenja në jetën e tyre.  

Me poshtë është lajmi i plotë i përkthyer:

Lufta filloi në vitin 1998 dhe sapo konflikti përfundoi, mbi 100 anëtarë të regjimentit Royal Gloucestershire, Berkshire dhe Wiltshire u përballën me një nga misionet e tyre më të vështira ndonjëherë, i cili ishte pjesë e operacionit paqeruajtës të NATO-s.

Varret ishin në qytetet e Drenasit dhe Lipjanit dhe për shkak se këto dy vende ishin të vetmet zona ku po kryhej një formë kontrolle nga policia dhe kishte autoritet, ushtarëve jo vetëm iu kujtua shkatërrimi masiv, por dhimbja e asaj që lufta u kishte bërë atyre në Kosovë.

Komandanti i kompanisë, Majori Nick Welch nga Reading tha: “Kur mbërritëm shkuam në Drenas. Fshati ishte thjesht i shkatërruar. Mbi 90 për qind e fshatit ishte djegur dhe mbi 2000 njerëz ishin vrarë në luftë”

Trupat që u dërguan kishin detyra të tmerrshme të identifikimit të varrezave masive në Kosovë dhe në kohën kur historia origjinale kishte shkuar për t’u shtypur në vitin 1999, ushtarët kishin zbuluar rreth 21 vende me varreza.

Trupat e atyre që ishin vrarë ishin hedhur nga forcat serbe.

Nëntetar David Renals, një tjetër nga trupat në zonë, shtoi: “Kam qenë në një numër patrullash në zonën ku kam parë mizori ose varre masive.”

Pamja e vrasjeve në varrezat masive kishte lënë gjurmë te ushtarët e Readingut, shumë prej të cilëve ishin në adoleshencë në atë kohë.

Njëri nga ushtarët u ndal për të vendosur lule në një fushë që kishte varre të shumta të pashënuara dhe të sapo gërmuara.

Pasi ishin në zonë, ushtarët folën edhe me vendasit për të ofruar mbështetje. /Gazeta Express/

 

PËRGJIGJU

Please enter your comment!
Please enter your name here