“Ta luftosh Albin Kurtin sot kur është i ‘prangosur’, do të thotë se je o karrierist, o i pafytyrë”

0
36

Shkrimtari shqiptar nga Maqedonia, Kim Mehmeti është deklaruar lidhur me lëvizjet e fundit në Lëvizjen Vetëvendosje, duke i dalë në mbrojtje ish-liderit Albin Kurti.

Sipas Mehmetit, dalja e mesazheve të tilla në një kohë kur Kurti është në paraburgim nënkupton se brenda VV-së ka një grup karrieristësh.

Ja deklarata e tij e plotë:

Kurti e ndërtoi VetVendosjen, e VV i lindi, i ‘birësoi’ dhe i rriti ata që duan ta ‘rrënojnë’ Albinin!

“Kurti e ndërtoi VetVendosjen, e VV i lindi, i ‘birësoi’ dhe i rriti ‘heronjtë’ që sot duan ta ‘rrënojnë’ Albinin! Ku ta dish, mbase kështu e ka politika: të parin që duan ta ‘vrasin’ ata që i lindë dhe i ‘birëson’ partia, është ‘babai’ partiak – atë që është kujdesur për rritën e tyre dhe të partisë! Personalisht jam kundër kultit të individit, por megjithatë, ta luftosh Albin Kurtin sot kur ai është i ‘prangosur’, do të thotë se je, o karrieristë i sëmurë, o i pafytyrë lëkurëtrashë! Sidoqoftë dua të besoj se VV nuk është si gjitha partitë tjera shqiptare, që përçahen dhe përfundojnë si ‘nëna’, të cilat lindin po aq parti të reja sa edhe ‘liderë’ të frustruar, të ngjizur nga baballarë të panjohur! Njësoj siç vazhdojë të besoj se Kurti nuk është e tërë që ka VV, por VV pa në krye Albinin, nuk është ajo tërësi për të cilën ka nevojë shqiptaria!