Thaçi, Estonisë: Liberalizimi i vizave, prioritet i BE-së – Demarkacioni kriter i padrejtë

0
144

Presidenti i Republikës së Kosovës, Hashim Thaçi ka pritur sot në takim ministrin e Punëve të Jashtme të Estonisë, Sven Mikser.

Gjatë këtij takimi Presidenti Thaçi ka thënë se ”Prioritet emergjent mbetet liberalizimi i vizave për qytetarët e Kosovës. Vonesat e krijuara janë të pajustifikueshme”, duke shtuar se kriteri i demarkacionit është i padrejtë, njofton Klan Kosova.

Nga ana tjetër, ministri i Punëve të Jashtme të Estonisë, Sven Mikser ka theksuar se shteti i tij do të vazhdojë mbështetjen për Kosovën.

Veç tjerash i pari i vendit e ka falënderuar ministrin Mikser për mbështetjen që i ka dhënë Estonia popullit dhe shtetit të Kosovës pas shpalljes së pavarësisë.

Ai ka theksuar se tash kur Estonia merr presidencën e radhës të Bashkimit Evropian, Kosova pret një mbështetje edhe më të madhe në jetësimin e prioriteteve afatshkurta.

Presidenti ka thënë se anëtarësimi i Kosovës në NATO dhe Bashkim Evropian mbetet opsioni i vetëm për qytetarët e Kosovës. Megjithëkëtë, presidenti Thaçi ritheksojë se BE-ja nuk duhet të vonohet me integrimin e Ballkanit Perëndimor, meqë ato po shfrytëzohen nga fuqi të mëdha për të destabilizuar rajonin.

Duke folur për marrëdhëniet bilaterale, Presidenti ka kërkuar që përveç bashkëpunimit diplomatik, ato të shtrihen edhe në fusha tjera, njofton Klan Kosova.