Sali Berisha: Muri në Veri të Mitrovicës, rezultat i dashurisë Rama-Vuçiq

0
210

Sali Berisha ka komentuar rreth ngritjes së murit te Ura e Ibrit në Mitrovicë.

Ai ka thënë se kjo është rezultati i paë i dashurisë Rama-Vuçiq, transmeton Indeksonline.

Sipas Berishës, ky akt tregon se Beogradi sillet si pushtues i Kosovës dhe destabilizues i rajonit.

Lexoni reagimin e tij të plotë:

Muri i serbeve në Mitrovicë, rezultati i parë i dashurisë Rama -Vucic!

Te dashur miq, pasi deshtuan me te gjitha menyrat për ndarjen e Mitrovicës, Beogradi vendosi të perdore murin për realizimin e qëllimeve te tij.

Në perputhje me këtë projekt prej disa ditësh, ultranacionalistet serbë të Beogradit, në sy të autoriteteve të Kosovës, BE, OKB dhe të mbarë botës po lartësojne murin ndarës së Mitrovicës te Veriut, de facto të dhunimit flagrant të integritetit territorial dhe sovrantitetit te Republikës se Kosovës.

Me këtë akt, Beogradi sillet si pushtues i Kosovës, destabilizues i rajonit dhe varrmihës i marrëveshjeve të Brukselit. Ky akt akuzon gjithashtu direkt Edvin Kristaq Ramën, i cili në takimet e tij të shumta me Aleksander Vuçiç duket se ka gatuar pazare të pista!

Duke dënuar me ashpërsinë më të madhe këtë veprim pushtues të Beogradit ndaj Kosovës, ju bëj thirrje autoriteteve dhe qytetarëve të Kosoves të përdorin të gjitha mjetet kushtetuese për mbrojtjen e integritetit territorial dhe sovranitetit të dhunuar nga pushtuesit e djeshem serb të Republikës së Kosovës.

Ju bej thirrje komunitetit ndërkombetar, SHBA, NATO-s, Bashkimit Europian, OKB të marrin të gjitha masat për ndëshkimin e këtij akti agresiv të Beogradit, që dhunon integritetin dhe sovranitetin e një vendi të pavarur dhe rrezikon në menyrën më serioze paqen dhe stabilitetin e rajonit tonë! Sb