Shtetasit e Kosovës, të dytët pas turqve në marrjen e pasaportave gjermane

0
58

1376 shtetas të Kosovës janë natyralizuar gjatë vitit 2015 në Baden Württemberg. Ata vijnë menjëherë pas turqve nga të cilët këtë e kanë bërë 3369 persona

Gjatë vitit të kaluar në landin Baden Württemberg të Gjermanisë, janë natyralizuar 17.546 të huaj. Sipas Zyrës për Statistika të këtij landi, me këtë është rritur për 4 për qind numri i atyre që kanë marrë pasaportën gjermane në krahasim me një vit më parë, transmeton albinfo.ch mediat gjermane. Në përgjithësi ky është numri më i madh që është regjistruar që nga viti 2003. Ndërkaq, në krahasim me vitin 2000 numri i të natyralizuarve megjithatë ka pësuar rënie prej 40 për qind.

Kosovarët janë në vendin e dytë në listën e atyre që kanë marrë pasaportat gjermane në këtë land. 1376 shtetas të Kosovës janë natyralizuar gjatë vitit 2015 në Baden Württemberg. Ata vijnë menjëherë pas turqve nga të cilët këtë e kanë bërë 3369 persona. Ky duket një zhvillim interesant kur dihet se në Gjermani përqindja e kosovarëve nuk është aq e lartë siç është për shembull në Zvicër, shkruan albinfo.ch.

Në vendin e tretë për nga numri i të natyralizuarve janë shtetasit e Kroacisë, gjegjësisht 1128 veta.

Në mesin e 15 shteteve të para të prejardhjes në këtë listë, janë 12  shtete evropiane, dy aziatike (Iraku dhe Irani) dhe një i Amerikës Latine (Brazili)

Action Coin