Hashim Thaçi: Jam President i të gjithëve

0
93

Lideri në largim i PDK’së, Hashim Thaçi ka thënë se është President i të gjithë qytetarëve pa dallim partie. Ka thënë se këtë detyrë do ta mbajë siç e kishte mbajtur edhe pozicionin në luftën çlirimtare.

Këto komente, Thaçi i ka bërë gjatë vizitës në Likoshan me rastin e përvjetorit të masakrës në këtë fshat.

“Vizita ime e parë pas zgjedhjeve presidenciale në Kuvend ishte në Likoshan. Aty u përula dëshmorëve të kombit. Liria jonë sot dhe demokracia që ndërtuam ka rrënjët në këtë tokë të bekuar. Mora edhe shumë urime nga banorët e kësaj zone, por kjo veç sa më përkujton peshën e detyrës së qenuri President i të gjithëve, pa dallime partiake, ashtu siç ishim edhe në luftën tonë çlirimtare pa dallime dhe ndasi partiake”, ka shkruar Thaçi në FB.