Jahjaga: Nuk lejojmë që dialogu të imponohet me dhunë

0
81

Presidentja e Kosovës, Atifete Jahjaga ka deklaruar se nuk mund të lejojmë që dialogu të imponohet me dhunë dhe demokracia të sfidohet çdo ditë, prandaj dialogu duhet jetë e vetmja rrugë që duhet ndjekur.

Jahjaga në konferencën e pestë vjetore Gjyqësore tha se një shtet ligjor bëhet me njerëz profesionistë që nuk lejojnë që askush të jetë mbi ligjin.

“Qytetarët tanë kërkojnë më shumë nga ne. Ata kërkojnë një drejtësi të pa kompromis ndaj krimit të organizuar dhe institucioneve. Dhe ne duhet ta kthejmë besimin e qytetarëve tonë në sistemin e drejtësisë, duke bërë reforma dhe duke mos u ndikuar nga asnjë forcë politike. Kemi forcë ta luftojmë korrupsionin, sepse askush nuk duhet të jetë mbi ligjin“, ka thënë ajo.

Ajo u ndal edhe te përkrahja e Kosovës në luftën ndaj terrorizmit, ku janë arrestuar disa persona të dyshuar, megjithatë shtoi se kjo luftë nuk përfundon këtu dhe ne duhet të jemi më efektiv në parandalimin e ekstremizmit të dhunshëm.

“Kosova kurrë nuk ka qenë dhe nuk do të jetë vatër e terrorizmit, duke prishur harmonizimin fetar”, ka thënë ajo. /Telegrafi/